Notes by Waqar

  Learning is not the product of teaching / علم پڑھانے کے نتیجے سے نہیں آتا یہ جملہ ایک حقیقت کو ظاہر کرتا ہے جسے ہم میں سے اکثر اپنی زندگی میں محسوس کرتے ہیں۔ عام طور پر سمجھا جاتا ہے کہ سیکھنے کا عمل تعلیمی اداروں اور رسمی تدریسی تجربات تک محدود ہے، مگر یہ تصور حقیقت سے دور ہے۔ کلاس روم کی فضا میں یاد کردہ تعارفی باتیں اور تعلیمی اسباق عموماً یاد بھی نہیں رہتے۔ اصل سیکھنے کا عمل لوگوں سے ہوتا ہے—کبھی اساتذہ سے، لیکن کلاس روم سے باہر۔ جب اساتذہ نے دل سے بات سنی، ہماری سوچ کو سمجھا، اور ذاتی مدد فراہم کی، تب سیکھنے کا حقیقی عمل شروع ہوا۔ دوستوں، ساتھیوں، اور یہاں تک کہ رہنماؤں سے بھی قیمتی سبق ملے۔ ان غیر رسمی مواقع پر وہ بصیرت پیدا ہوئی جو تعلیمی نصاب فراہم نہیں کر سکتا تھا۔ کتابیں بھی ایک اہم ذریعہ بنیں، چاہے وہ اردو میں ہوں یا انگریزی میں، چاہے وہ مغرب کی ہوں یا ہماری اپنی ثقافت سے جڑی ہوئی۔ مگر سب سے زیادہ اہمیت تجربات کو حاصل ہوئی۔ جب ان کتابوں کی باتوں کو عمل میں لایا گیا، غلطیوں سے سیکھا گیا، اور پچھلے علم کو مزید بہتر کیا گیا، تب جا کر علم کا سفر آگے بڑھا۔ یہ سوچ کہ سیکھنا ...

 ہم اکثر یہ سنتے ہیں کہ جو لوگ تیز رفتار سے آغاز کرتے ہیں، وہی سب سے آگے نکل جاتے ہیں۔ مگر یہ بات ایک خیال سے زیادہ کچھ نہیں۔ تیز آغاز کوئی ضمانت نہیں کہ آپ منزل تک پہنچیں گے۔ اسی طرح، یہ سوچنا کہ جتنا تیزی سے آپ سیکھیں گے، اتنی ہی کامیابی حاصل ہوگی، بھی محض ایک وہم ہے۔ اصل کامیابی کا راز مستقل مزاجی اور لچک میں ہے۔ آپ جتنا سیکھتے ہیں اور راستے کی مشکلات سے ڈھلنا جانتے ہیں، وہی آپ کو آگے لے جاتا ہے۔ سرمایہ داری نے ہماری سوچ میں یہ تیز رفتاری اور جلدی کا بیج بو دیا ہے۔ اس نظام نے ہمیں سکھایا کہ فوری نتائج ہی کامیابی ہیں۔ لیکن یہ فلسفہ ہمیں گہرائی سے سوچنے، دیرپا ترقی اور اندرونی سکون کی حقیقت سے دور کر رہا ہے۔ اللہ ہمیں اس عجلت، جلدی اور فوراََ  جیسی نفسیاتی بیماریوں سے بچائے۔ آمین!

Real learning is a journey of discovery, one that flourishes in environments free from the constraints of traditional education. When we give learners the freedom to explore without pressure, we cultivate curiosity and foster deeper, meaningful understanding. This is the essence of unschooling—an approach where education is not confined to textbooks or exams but is self-directed, rooted in interests, and nurtured by a learner’s natural curiosity. Time, leisure, and the absence of rigid structures allow the mind to wander and make connections that might never surface in a controlled classroom, leading to genuine, lifelong learning. As parents, it’s vital to reflect on the impact of rigid schooling on your child’s tarbiyah (moral and personal development). Are we prioritizing academic results over their growth as balanced, inquisitive individuals? By embracing discovery-based learning, you ensure your children develop not only intellectually but also spiritually and emotionally, creating...

 مال کی محبت سے ہمیں خود بھی بچنا ہے اور اپنی اولاد کو بھی بچانا ہے۔ یہ ہماری تربیت کا ایک اہم موضوع ہونا چاہیے۔ لیکن اس بات کا ہر گز یہ مطلب نہیں ہے کے ہم اپنی اولاد کو مال کے انتظامات یعنی (Financial Management) کے علم سے دور رکھیں۔  مغربی تہذیب کی نظر کچھ والدین مال کے انتظامات کا علم دینے کے لیے اپنی اولادکو مال کا مالک بنا دیتے ہیں اور پھر توقع رکھتے ہیں کہ اُن کی اولاد بغیر مال کی محبت کے یہ ہنر سیکھ لیں گے۔ غالباََ ایسا ممکن ہوجاتا ہوگا مگر مجھے یہ طریقہ کچھ سیدھا معلوم نہیں ہوتا۔ اس میں بہت خرابیاں نظر آتی ہیں، بلکہ ایسا کہنا کوئی جرم نہیں ہوگا کہ بچوں کو مال کا مالک بنانے سے حبِ مال کا امکان بڑھ جاتا ہے۔ میرے حساب سے مال کی اہمیت اور انتظامات بھی ہمیں مکالمے اور تجربے کے طرز پر اپنی اولادوں کو دینا چاہیے۔ جیسے کہ ہم اپنے مکالمے میں ایسے موضوعات شام کریں جس سے بچوں کو یہ علم حاصل ہو کے  کیسے اُن کے گھر میں مال آتا ہے؟ یعنی اُن کے ابا جان (یا کوئی بھی کمانے کا ذمہ دار ہے) کتنی محنت سے کما رہے ہیں۔  کیسے حرام مال سے بچا جاتا ہے اور کیسے حلال کمایا جاتا ہے۔ ...

یہ جاننا یا اس کا اندازہ لگانا کہ آپ کیا نہیں جانتے یا کس چیز کے بارے میں آپ غیر یقینی ہیں، سب سے بڑی علمی صلاحیت ہے۔ یہ صلاحیت اللہ نے ہر انسان کو فطری طور پر یعنی پیدائش کےوقت سے عطا کی ہوئی ہوتی ہے۔ اس بات کا اندازہ اپنے آس پاس موجود کسی بچے کو دیکھ کر لگایئے کہ کس طرح وہ کسی انجانی چیز کے بارے میں علم حاصل کرنے کے لیے کتنا بےچین ہوتا ہے۔ وہ نا اپنا نقصان دیکھتا ہے اور نا اپنا فائدہ، اُسے تو بس تجسس ہوتا ہے کہ یہ فلاں چیز ہے کیا۔ مثال کے طور پر کوئی بچہ کسی کھلونے کو دیکھتا ہے تو وہ اُسے ہاتھ میں لینا چاہتا ہے، اُس سے تجربہ کرنا چاہتا ہے کہ یہ کس کام آتا ہے اور کیسے استعمال کیا جاتا ہے۔ شاہد آگے جاکر وہ اس کے بارے میں کتاب بھی پڑھنا چاہے گا اور اتنی تفصیل کا منتظر بھی ہوگا کے یہ کھلونا وجود میں کیسے آتا ہے۔ لیکن اتنی نوبت ہم آنے نہیں دیتے۔ ہم تو اِس بچے کو تعلیمی اداروں کے سپرد کردیتے ہیں جہاں اُس کو سیکھنے کی اجازت تو ہوتی ہے مگر صرف اتنی جتنی کے نصاب اجازت دے۔ ہمارا تعلیمی نظام بچے کو تتلی تو دکھا دیتا ہے مگر کبھی تتلی کا تجربہ حاصل ہونے نہیں دیتا، کیونکہ  تتلی کو ہاتھ میں لین...

 کچھ عرصہ پہلے جدید جھوٹے خداوں پر  سرسری سی با ت ہوئی تھی۔ تفصیل کے لیے آج یہ درج کررہا ہوں کہ جدید معاشرے کے پانچ بڑے خدا کون سے ہیں اور کیسے ہم ان کی پیروی کررہے ہیں۔ جدید سائنس، ٹیکنالوجی، سرمایہ ،انسانی عقل اور خواہشاتِ نفس۔ یہ جد یدمغربی تہذیب کے پانچ وہ بڑے خدا ہیں جن کے نرغے میں آج کا مسلمان اپنی حیات گزار رہا ہے۔ جدید معاشرہ جس میں آج ہم زندہ ہیں، اس کی تمام سرگرمیاں ان پانچ وسائل سے متعین ہوتی ہیں۔ علم کا حصول ہو یا تربیت کی راہ، دنیاوی معاملہ ہو یا پھر کوئی شرعی بات اب سب ان پانچ خداوں کے آس پاس چکر لگا رہے ہیں۔ اصل خدا یعنی اللہ تعالی تو بس تصور میں ہیں۔ کوئی سرمائے کو پوجتا ہے تو کوئی سائنس کو۔ کوئی عقل کی پیروی کرتا ہے تو کوئی ٹیکنالوجی کی۔ ان پانچوں میں سب سے بڑا ور گہرا اثر رکھنے والا جھوٹا خدا خواہشاتِ نفس ہے جو ہم سے پہلے کی اُمتوں میں بھی تھا اور ہمارے بیچ میں بھی ہے۔ مثال کے طور پر اگر آج کوئی اپنی اولاد کو تعلیم دے رہا ہے تو اُس کا مقصد صرف اتنا ہے کہ وہ کل کو اچھا کمانے کے قابل ہوجائے۔ اچھا کمانے سے عمومی مراد یہی ہے کہ وہ یا تو اچھی نوکری پر لگ جائ...

 خوشی بڑی ہو یا چھوٹی، اس کا گہرا تجربہ انسان بالخصوص اپنوں کے ساتھ تعلق کے نتیجے میں حاصل ہوتا ہے۔ آج کی مادی دنیا میں ہمارے پاس لوگ تو ہیں مگر رشتے نہیں ہیں۔ رشتے یوں ہی نہیں بنتے، ان پر محنت درکار ہوتی ہے، ان کو ایک پودے کی طرح پانی، کھاد، ہوا اور وقت دینا ہوتا ہے۔ آئندہ کبھی وقت پر کوئی علم حاصل کریں تو ترجیح یہ دیں کہ کیسے ہمارے 24 گھنٹوں میں ان رشتوں پر کام کرنے کے لیے وقت میسر ہوجائے۔  خاص طور پر وہ رشتے جو اپنوں کے ساتھ بنانے ہیں مثلاََ اولاد، بھائی، بہن، ماں، پاب، دادا، دادی، نانا اور نانی۔ میرا مشورہ ہے کہ معاشی ضروریاتوں سے زیادہ ترجیح ہمیں اپنوں کے ساتھ تعلق بنانے کو دینی چاہیے۔ کیونکہ اس معاملے پر یوم الدین میں جواب دینا ہوگا۔

Just talking about problems won’t solve them. To find solutions, we need to do two things: first, focus on the core principles (اُصول) of the issue; second, debate the context (تناظر) that caused the problem in the first place. Take a moment to reflect on this approach and start relating it to the challenges you face in life. By focusing on principles and examining the context of each issue, you'll gain clearer insights and can begin applying this method to find more effective solutions.

 کچھ دن پہلے عقیدہ اور تصور پر بنیادی بات ہوئی تھی۔ جب یہ فہم مجھے پہلی دفع ملا تو میں کافی لمبے عرصہ تک ایک غلط فہمی میں رہا۔ آپ میں سے کوئی میری وجہ سے غلط راہ پر وقت ضائع نا کرے اس لیے اس غلط فہمی کی وضاحت ضروری سمجھ رہا ہوں۔ ایک بڑا مسئلہ تو یہ ہے ہی کہ ہم نے عقیدہ اور تصور میں فرق نہیں رکھا لیکن دوسرا سانحہ یہ ہے کہ ہمارا تصور بھی اب تصور کی حد سے بہت نیچے گر گیا ہے۔  ہم نے نا اپنے وجود کی اصل کو پایا ہے نا اپنے حقیقی خدا کو۔ ہم نے روح کے انکاریوں کی تقلید میں اپنے جسموں ہی کو اپنے وجود کی اصل سمجھ لیا ہے۔   تصور ٹھیک ہوتا اور عقیدہ بگڑا ہوا ہوتا تو محنت عقیدہ پر ہوجاتی اور ہمارے وجود کے معاملات کچھ جلدی طے ہوجاتے۔ مگر مسئلہ اب یہ پیش ہے کہ ہمارا تصور بھی اب مناسب نہیں رہا۔ بلکہ ہم نےاپنے ظاہری جسم کو اپنا وجود مان لیا ہے۔ باطنی وجود کہیں کھوگیا ہے جس کے نتیجے میں عقیدہ، ایمان، شعور، تناظر اور بہت سے نفسیاتی باشندے سخت بیمار ہوگئے ہیں۔ اللہ بغیر کسی بڑے نقصان کہ ہمیں ہمارا باطنی وجود دکھا دئے۔ آمین۔

اکثر سوچتا ہوں کہ آج ہمیں مذہب ایک طوق کیوں معلوم ہوتا ہے؟ کیوں آج کے انسانوں کو کوئی بھی انسانی تعلق بوجھ محسوس ہوتا ہے؟ مسلم ہو یا غیر مسلم، سب اس پریشانی سے دوچار ہیں۔ شاہد اس کی وجہ اپنے نفس کی غلامی ہے۔   جب انسان اپنے نفس کو خدا بنالیتا ہے تو نتیجے میں اُسے ایک لذت حاصل ہوتی ہے، ایسی لذت جو کسی بھی قسم کی اطاعت اور پابندیوں  میں رہنا نہیں چاہتی۔ رسول ﷺ نے بھی اپنی ایک حدیث میں اس کا اشارہ دیا ہے کہ  زمین پر اللہ کی بجائے جتنے  جھوٹے خداوٴں کی عبادت کی جاتی ہے ان میں اللہ کے نزدیک سب سے زیادہ ناپسندیدہ  وہ خواہشاتِ نفس ہیں جن کی انسان پیرو ی کرتا ہے۔  غالباََ تزکیہ نفس اسی لیے ہمارے لیے بہت ضروری ہے اور میرا ماننا ہے کہ نفس کی صفائی میں سب سے پہلا قدم علمِ نافع کے حصول کا ہونا چاہیے۔ تاکہ کم از کم  ہمیں ہمارے وجود کے اندر موجود بنیادی مسائل کا علم تو ہو۔  انسان کے  اندر  موجود کسی بھی تعلق کی بنیادیں خواہ وہ تعلق اللہ سے  ہو، اگر عقیدے کی سطح سے گر کر تصور کی سطح پر کھڑی ہوجائیں تو اُس کی انفرادی اور اجتماعی زندگی میں ایک ...

 جب مکہ فتح ہوا تو آپﷺ نے کعبہ میں موجود تمام جھوٹے خداوں کو توڑ دیا۔ وہ جھوٹے خدا بت تھے یعنی پتھر کی مورتیاں تھیں جن سے کسی قسم کے کوئی فائدے کی امید رکھنا سراسر تناظر کی خرابی کی وجہ تھی۔ ابھی کا معاملہ بالکل الگ ہے۔  اس وقت عالمِ کفر جن خداوٴں کی پرستش کررہا ہے وہ بہت فائدہ پہنچا نے والے ہیں۔ آج کے جھوٹے خدا انسانوں  کی خواہشیں بھی پوری کر رہے ہیں، کھانا بھی کھلا رہے ہیں، شفاء بھی دے رہے ہیں، زندگی بڑھا بھی رہے ہیں، گھٹا بھی رہے ہیں۔ جہاں تک ہماری نظر جاتی ہے وہاں تک کے تمام مسائل کا حل ان کے پاس ہے۔ اور عالمِ کفر کا کیا رونا، اب تو ان جھوٹے خدواں کا اثر ہم مسلمانوں پر بھی بن گیا ہے۔ جیسے پہلے کے ناکارہ خداوں کا انکار تقوی سے ہوا تھا، آج کے ہوشیار خداوں کا خاتمہ بھی تقوی سے ہوگا۔ سب سے پہلے ہمیں اپنا تناظر ایمانی کیفیت والا کرنا ہوگا تاکہ ہماری عینک پر سے کفر کی دھول ہٹے اور پھر  ہمیں وہ دکھائی دے جو اللہ دکھانا چاہا رہا ہے۔ اس ایمانی تناظر کی بدولت ہی ہم اپنی عقل اور فہم کا وہ استعمال لے پائنگے جو مطلوبِ اللہ ہے۔

ہمیں جتنی جلدی ہوسکے یہ بات سمجھ لینی چاہیے کہ ہمارا مسجود اور معبود دونوں ایک ہے اور وہ صرف اللہ ہے۔ آج جب میں اپنا تزکیہ کرتا ہوں تو مجھے میرا مسجود تو اللہ نظر آجاتا ہے اور میں اس پر اطمینان سے بیٹھ جاتا ہوں۔ مگر میرا معبود اللہ ہے، یہ منظر آج میری نظر سے غائب ہے۔  اللہ نے فرشتوں کو حکم دیا کے وہ آدمؑ کو سجدہ کریں۔ اُنھوں نے اللہ کے حکم کی پیروی کی کیونکہ فرشتوں میں اللہ کی نافرمانی کرنے کی صلاحیت موجود ہی نہیں۔ اللہ نے جب یہی حکم ابلیس کو دیا تو اُس نے انکار کردیا۔ ابلیس جنوں میں سے تھا اور جنوں کو اللہ نے اختیارات دیے ہیں کہ وہ اپنی چلا سکیں۔ ابلیس کے انکار کا ایک رخ تو یہ تھا کے اُس نے اللہ کی نافرمانی کی، دوسرا رخ یہ بھی تھا کے اُس نے اپنے نفس کی بندگی کی۔ مطلب ابلیس کا مسجود اللہ تھا مگر معبود کوئی اور تھا۔ ابلیس اور آج کے مجھ میں کوئی فرق نہیں۔ اللہ کے لیے میں بھی مخلوق اور ابلیس بھی، اور اللہ کی سنت ہے کہ وہ اپنی مخلوق کو امتحان میں ڈالتے ہیں۔ اللہ نے ابلیس کو امتحان میں ڈالا، وہ شدید ناکام ہوگیا۔ اللہ نے مجھے بھی امتحان میں ڈالا ہوا ہے اور سچ کہوں تو میں بھی ناکامی ...

 تناظر کی صحت اس بات سے مشروط ہے کہ عقیدے کے دائرے کو زندگی کے دائرے پر پوری طرح پھیلا دیا جائے۔ اس کے لیے دین اور دنیا کی تفریق ختم کرنی ہوگی۔ اللہ نے ہم سے زندگی کا ہر لمحہ حالتِ عبادت میں طلاب کیا ہے اور اسی کو ہماری تخلیق کا مقصد قرار دیا ہے۔ یہ وہ حقیقت ہے جو ہم جانے یہ انجانے میں نظر انداز کرتے ہیں۔ عقیدہ بن جاتا ہے مگر گویا نمازوں یہ پھر چند اور اعمالوں میں جھلکتا ہے  زندگی کا ہر لمحہ عقیدے کے نظریے میں گزر جائے ایسا ہمارے لیے ممکن نہیں رہا ہے۔ وجہ شاہد یہ ہے کہ علم پورا نہیں میسر ور دوسری وجہ یہ بھی ہوسکتی ہے کہ ہم نفس کی غلامی میں زندہ ہیں۔ کامل انسان بن جانا ممکن نہیں،  مگر ہمیں اللہ سے احساس اور فکر ضرور مانگنی چاہیئے۔ مکالمہ ہو یہ مطالعہ، ہمیں دین اور دنیا کو الگ نہیں کرنا چاہیے۔ بلکہ دنیا ہی دین بن جانی چاہیے۔ گویا میرا حال ایسا ہو کہ   چاہے کام کروں یہ کوئی فرض عبادت کروں، بات کروں یہ سوچوں، ہر وقت بس اسی فکر میں رہنا چاہتا ہوں کہ اللہ کی ہدایت کیا ہے یا پھر ہمارے نبی ﷺ نے اس موقع پر کیا راستہ اختیار کیا ہوگا۔ آمین!

The authenticity of faith hinges on expanding the realm of belief to encompass every aspect of life. For this, the separation between religion and the world must be eliminated. The Allah SWT has demanded from us that every moment of our lives be spent in a state of worship, and this is the purpose of our creation. This is a truth we ignore for a long time, knowingly or unknowingly. Faith had taken root, but it seemed to manifest only in prayers or a few other rituals. We couldn't live every moment in the ideology of faith. The reason was perhaps a lack of complete knowledge, and another reason was being enslaved by our own desires.  We might not become a perfect person, but we should ask the grace of Allah SWT to develop awareness and thoughtfulness. Whether we are in conversation or study, we shall not separate religion from worldly affairs. Rather, the world itself has to become a religion for us. Whether we are working or performing any obligatory worship, talking or thinking, w...

 آج کے جدید مغربی تہذیب سے مرعوب شدہ معاشرے میں ایک اہم بیماری ہمارے اندر پائی جاتی ہے کہ ہم اپنے آس پاس کے لوگوں کے پسندیدہ انسان بننا چاہتے ہیں۔ اب اس بیماری میں بھی یہ کھوکلا پن ہے کہ اپنوں سے زیادہ غیروں کے پسندیدہ بننا ہماری ترجیح ہوتی ہے لیکن اس پر کسی اور دن بات کرینگے۔ ہر کسی کو خوش رکھنا، سب کا پسندیدہ ہونا یہ ایک عجب بات ہے۔ مطلب کے میری حیات میں میرا ایسا کچھ ہے ہی نہیں کہ کسی کو اس پر اختلاف ہو۔ یا تو میں کوئی ایسا عالم ہوں کہ سب مجھ سے متفق ہیں یا پھر میں اتنا ادنا ہوں کہ میرا وجود کا کوئی اثر ہی نہیں۔ سب متفق ہوجائیں، یہ ممکن نہیں۔ ہاں میری حیات کا ادنا ہونا بہت حد تک ممکن ہے اور مغرب کو مطلوب بھی ہے کہ میں کہیں سے کچھ بڑا اور اثر کام نہ کرجاوں۔ میرا ماننا ہے کہ آج کے دور میں زندگی میں ہر انسان کو لوگوں کی رائے کی قید سے آزاد ہونے کا فن سیکھنا چاہیے۔ اگر ہم ہر وقت دوسروں کی پسند یا ناپسند کے بارے میں فکر مند رہیں تو خود کو ایک قید خانے میں محسوس کریں گے۔ کسی بڑے کام کے لیے کھڑے ہونے کی ہمت رکھنے والے افراد کبھی کبھی دشمن بنا لیتے ہیں، جو کہ اچھی بات ہے، کیونکہ اس کا م...

اگر کسی صاحبِ ایمان کے ساتھ بچے کا مکالمہ ہوتا رہے تو اُس کا ذہن اُس کے سوالات پر بہت واضح ہوجاتا ہے۔ عقیدت اور تناظر تشکیل پاتے ہیں اور ایمان قوی ہوجاتا ہے۔ یہ آج کے جدید معاشرے میں بہت مجنوں قسم کی بات ہے۔ ہم میں سے بہت تو ایسے ہیں جو ایسی باتوں کو فوراََ سے نظروں سے ہٹا دیتے ہیں اور چند لوگ جو رک کر پڑھنا ضروری سمجھتے ہیں اُن کو یہ ہضم نہیں ہوتی۔ اس بیان کی کوئی تخیلی شکل نہیں ہوسکتی، کم از کم میں ایسا اپنے دماغ میں سوچ نہیں سکتا۔خیال میں ایسا آتا ہے کہ یہ بات بالکل بے معنی ہے۔ مگر میں یہ پورے یقین کے ساتھ کہہ سکتا ہوں کہ جب بھی بچہ کسی ایمان والے انسان کےساتھ وقت گزارے گا اس کی زندگی میں ہر جہت سے نور کا رنگ چڑھے گا۔  سوچنا یہ ہے کہ یہ ایمان والا انسان ملے گا کہاں سے؟  کسی تعلیمی ادارے سے؟ کسی مدرسہ سے؟ یہ آج کے جدید دور میں کہیں کسی آن لائن پلیٹ فارم سے؟  بہتر تو یہ ہے کے یہ انسان اس دنیا میں اُس کے گھر میں ہی ملے، اپنے ماں، باپ، دادا، دادی، نانا، نانی  کی شکل میں۔ آج سے تقریباََ سو دوسو سال پہلے (انڈسٹریل ایرا سے قبل) یہ ایمان والا بچے کو گھر میں ہی مل جاتا تھا...

Photo by Simon Rizzi In a world obsessed with recognition and fame, the idea of not being known or recognized by others might seem disheartening. Society often glorifies those who have made a name for themselves, leaving the rest to wonder about their own significance. However, the truth is, the extent of your impact is not determined by how many people know your name. If not done yet, at least once in a few months, I suggest you explore the beauty and freedom that come with embracing a life where no one knows you. You will see how it can be an opportunity for self-discovery, personal growth, and profound fulfilment. Following are the few impacts you will see as a benefit:

 دنیا میں دو قسم کی چیزیں ہیں۔ اچھی یا بری۔ اچھی مطلب مثبت، فائدہ مند۔ بری سے مراد منفی، نقصان دہ۔  ان میں سے کون سی چیز کا انتخاب کرنا ہے اس کا اختیار اللہ نے ہمیں دیا ہے۔ ہم یہ اختیار اپنے علم اور شعور کی بنیاد پر کرتے ہیں۔ اسی علم اور شعور سے یہ سوال اٹھا ہے کہ آج کے معاشرے میں منفی چیز اتنی آسانی سے کیوں مل جاتی ہے؟ اور کیوں کوئی بھی مثبت چیز پانے کے لئے پاپڑ بیلنا پڑتے ہیں؟ مثلاََ زنا کرنا ہوتو کوئی مشکل کام نہیں۔ مگر نکاح کرنا ہو تو اتنا مجاہدہ۔   آئیے کچھ بنیادی عوامل کے بارے میں بات کرتے ہیں جو اس دلچسپ عدم توازن میں اہم کردار ادا کر رہے ہیں۔

آج ٹیکنالوجی ہمارے ساتھ ہر جگہ موجود ہے۔ کوئی سا بھی شعبہ لے لیں، اس کی مداخلت لازمی ہے۔ صبح اُٹھنے سے لے کر رات سونے تک، آج کا انسان ٹیکنالوجی کے ارد گرد رہتا ہے۔ آفس ہو، اسکول ہو، گھر ہو، مسجد ہو، اکیلا ہو، کسی کے ساتھ ہو، یہ ٹیکنالوجی اب انسان کا پیچھا نہیں چھوڑتی۔ ہر وقت کا اسکرین ٹائم، آلات اور ڈیجیٹل پلیٹ فارم نے تو انسان سے انسان کا وقت چھین لیا ہے۔  کہاں ٹیکنالوجی کو انسانیت کی آسانی اور رابطے کے لئے متعارف کروایا تھا، اور کہاں اب خود انسان اس کا غلام بن کر رہ گیا ہے۔   غلام بھی ایسا کے اس کے بغیر نہ قضاءِ حاجت مکمل، نہ کھانا ممکن۔ اصولاََ جیسا تعلق خدا کے ساتھ ہونا چاہیئے تھا ویسا اس  ٹیکنالوجی  کے ساتھ بن گیا ہے۔

فلسطین اور اسرائیل کی  جنگ باقی دوسری بڑی جنگوں سے منفرد ہے۔ ہم اسرائیل اور فلسطین کے بیچ میں ہونے والی  مار دھاڑ کو چین اور ویتنام، ایران یہ افغانستان کی جنگ سے ملا نہیں سکتے۔ فلسطین کے لیے یہ جنگ سانحاتی جنگ بن گئی ہے۔ سانحہ بھی ایسا جو ایک یا دو سال سے نہیں بلکہ 1947 سے چلا آرہا ہے۔ ظلم اس قدر ہو چکا ہے کہ فلسطین کی پوری کی پوری قوم ایک سطح پر آچکی ہے۔ بچہ ہو یا بڑا، دادا ہو یا پوتا، سب کے جذبات ایک ہیں، سب کے راستے ایک ہیں، سب کی منزل ایک ہے۔ یہ کوئی عام بات نہیں۔ اس پورے سانحہ نے مکمل فلسطین کو ایک قوم بنا دیا ہے۔ ایک ایسی قوم جو پوری یکسوئی کے ساتھ قربان ہونے کے لئے تیار تو ہے مگر ظلم کے خلاف ایک انچ بھی پیچھے ہٹنے کے لیے راضی نہیں۔ اس سانحہ کی بدولت آج فلسطینی قوم آزادی کے تصور کو اچھی طرح سمجھ چکے ہیں۔